پیرس (انٹرنیشنل ڈیسک) فرانس میں زرد جیکٹ مظاہروں کو ایک برس مکمل ہونے پر مظاہرین نے دارالحکومت پیرس میں اپنی طاقت کا مظاہرہ کیا۔ حکومت نے ہفتے اور اتوار کے روز مظاہروں پر مکمل طور پر پابندی عائد کررکھی ہے، تاہم مظاہرین تمام رکاوٹوں اور قدغنوں کو نظر انداز کرکے سڑکوں پر نکل آئے۔ اس دوران پولیس نے آنسو گیس کی شیلنگ کی اور 46 افراد کو گرفتار کرلیا۔ اس دوران تعلیم یافتہ سمجھے جانے والے فرانسیسی شہریوں نے ایک شاپنگ مال پر پتھراؤ کرکے شیشے توڑ دیے اور اسے جلانے کی کوشش بھی کی۔