کیف (انٹرنیشنل ڈیسک) یوکرائنی سیکورٹی سروس ایس بی یو نے مشترکہ بین الاقوامی آپریشن کے دوران داعش کے ایک اعلیٰ کمانڈر کو گرفتار کر لیا۔ جارجیا سے تعلق رکھنے والا البرا شیشانی نامی شدت پسند داعش کا نائب وزیر جنگ رہ چکا ہے۔ شیشانی کو دارالحکومت کیف کے نواحی علاقے میں اس کے مکان سے حراست میں لیا گیا۔ سیکورٹی سروس کی طرف سے جاری بیان میں کہا گیا کہ تصویر کی مدد سے ثابت ہو گیا کہ زیر حراست غیر ملکی داعش کا مطلوب کمانڈر ہے۔