اسلام آباد:وزیراعظم عمران خان کا کہنا ہے کہ مقبوضہ وادی میں بھارتی حکومت فاشسٹ آر ایس ایس نظریہ پر مکمل طور پر عمل پیرا ہے۔
مقبوضہ وادی میں بھارتی ظلم و بر بریت اور مسلسل کرفیو و محاصرے پر عالمی برادری کی خاموشی پر سوالیہ نشان اٹھاتے ہوئے سماجی رابطے کی ویب سائٹ ٹویٹر پر وزیراعظم عمران خان نے اپنے ایک بیان میں کہا ہے کہ مقبوضہ وادی میں بھارتی حکومت فاشسٹ آر ایس ایس نظریہ پر مکمل طور پر عمل پیرا ہے۔
Shows the fascist mindset of the Indian govt’s RSS ideology that has continued the siege of IOJK for over 100 days, subjecting Kashmiris to the worst violation of their human rights while the powerful countries remain silent bec of their trading interests. https://t.co/ESZiaVp563
— Imran Khan (@ImranKhanPTI) November 27, 2019
وزیر اعظم نے کہا کہ مقبوضہ وادی میں 100 سے زائد دن ہو چکے ہیں، ابھی تک کرفیو نافذ ہے ، مظلوم کشمیریوں کے خلاف انسانی حقوق کی سنگین خلاف ورزیاں جاری ہیں لیکن بڑی طاقتیں اپنے تجارتی مفادات کے باعث خاموش ہیں۔
واضح رہے کہ بھارت نے رواں سال 5 اگست کو مقبوضہ کشمیر کی خصوصی حیثیت ختم کردی ہے جس کے بعد سے وہاں حالات کشیدہ صورتحال اختیار کرگئے ہیں جبکہ مقبوضہ وادی میں115 روز سے صورتحال کشیدہ ہے اور کشمیری گھروں میں قید ہیں، انٹرنیٹ، موبائل سروس، ٹرانسپورٹ بدستور بند ہیں۔
