ہونولولو (انٹرنیشنل ڈیسک) امریکی ریاست ہوائی میں واقع مشہور بحری فوجی اڈے پرل ہاربر پر فائرنگ سے 2 افراد ہلاک اور ایک زخمی ہوگیا۔ امریکی میڈیا کے مطابق پرل ہاربر پر نیوی کے اہل کار نے اچانک امریکی محکمہ دفاع کے سول ملازمین پر گولیاں برسا دیں۔ نیوی اہل کار نے فائرنگ کے بعد خود کو بھی گولی مار کر خودکشی کرلی۔حکام کے مطابق فوری طور پر حملے کے محرکات سامنے نہیں آئے اور واقعے کی وجوہات جاننے کے لیے تحقیقات شروع کردی گئی ہے۔ واقعے کے بعد پرل ہاربر پر سیکورٹی سخت کرتے ہوئے اسے کچھ دیر کے لیے بند کردیا گیا۔ فائرنگ کے وقت بھارتی فضائیہ کے سربراہ آر کے ایس بھدوریہ اور چند بھارتی اہل کار بھی پرل ہاربر کے فوجی اڈے پر موجود تھے، تاہم وہ سب محفوظ رہے۔
