لاہور (نمائندہ جسارت) لاہور کی احتساب عدالت نے الخیر ہاؤسنگ سوسائٹی کے نام پر کروڑوں روپے فراڈ کیس میں ملوث
3 ملزمان کے مزید 14 روزہ جوڈیشل ریمانڈ میں توسیع کرتے ہوئے دوبارہ 15 جنوری کو پیش کرنے کا حکم دے دیا۔ عدالت نے کیس کی سماعت کرتے ہوئے ملزم پرویز اقبال، مبشر اسحاق اور 17 اسکیل کے افسر ٹی ایم او تنویر یوسف کے جوڈیشل ریمانڈ میں توسیع کردی۔ عدالت نے نیب تفتیشی افسر سے 2 ملزمان کی پلی بار گینگ کی، درخواست پر رپورٹ بھی طلب کی، ملزم پرویز اقبال اور مبشر اسحاق نے پلی بارگینگ کی درخواست جمع کرا رکھی ہے۔ نیب کی جانب سے ملزمان کیخلاف ریفرنس دائر کیا جا چکا ہے جس کے مطابق ملزمان نے الخیر ہاؤسنگ سوسائٹی حافظ آباد کے نام پر لوگوں سے فراڈ کیا اور ملزمان نے دھوکا دہی سے لوگوں سے کروڑوں روپے بٹورے۔
