اسلام آباد (آن لائن) میگا منی لانڈرنگ کیس کے اہم ملزم عبد الغنی مجید کی نیب ریفرنسز سے بریت کیس کی سماعت احتساب عدالت میں ہوئی ، نیب نے عبد الغنی مجید کی بریت کی درخواست کی مخالفت کر دی ۔ عبدالغنی مجید نے نیب آرڈیننس کے تحت اپنے خلاف ریفرنسز میں بریت کی درخواست دائر کی تھی ۔ نیب پراسیکیوٹر نے عدالت کو بتایا کہ عبدالغنی مجید اومنی گروپ کے بینیفشری اور جعلی اکاونٹس کیس کے اہم ملزم ہے نیب جعلی اکاونٹس کے مختلف کیسز میں عبد الغنی مجید سے تحقیقات کر رہا ہے عبدالغنی مجید سابق ڈی جی سندھ بلڈنگ کنٹرول اتھارٹی کا انتہائی قریبی ساتھی ہے۔ نیب نے عدالت سے استدعا کی کہ احتساب عدالت عبد الغنی مجید کی بریت کی درخواست مسترد کرے،نیب نے اپنا تحریری جواب احتساب عدالت اسلام آباد میں جمع کروادیا۔
نیب نے عبدالغنی مجید کی ریفرنسز سے بریت کی مخالفت کر دی
القمر