پارلیمانی سیکرٹری صحت نوشین حامد نے نجی ٹی وی سے گفتگو کرتے ہوئے کہا ہے کہ چین سے پاکستانی طلبہ کو نکالنے کے لیے چینی حکومت کی اجازت ضروری ہے۔
نوشین حامد نے کہا کہ کرونا وائرس کی اسکریننگ سے متعلق کٹس مل گئی ہیں،جنہیں تمام ایئرپورٹس پر پہنچادیا گیا ہے اور کرونا وائرس کی اسکریننگ سے متعلق ہدایات دے دی گئی ہیں۔
انہوں نے کہا ہے کہ چینی حکومت کی جانب سے اجازت ملتے ہی تمام پاکستانی طلبہ کو واپس لانا شروع کردیں گے،چین میں محصور پاکستانی طالبہ سے متعلق پارلیمنٹ میں بحث بھی ہوئی ہے۔
یہ بھی پڑھیں: پاکستان نے چین کے لیے فضائی آپریشن بحال کردیا
بعد ازاں سیکرٹری صحت نوشین حامد نے مزید کہا کہ چین سے آنے والے تمام مسافروں کو اسکرینگ کے بعد ہی آگے جانے دیا جارہا ہے۔