خلیجی ملک سعودی عرب کے دارالحکومت ریاض میں حکومت کی جانب سے انسانی ہمدردی کا واقعہ پیش آیا ہے جس میں 215 تیموں کی شادیاں کرائی گئی ہیں۔
غیر ملکی میڈیا کے مطابق یہ شادیاں سعودی وزارت محنت و سماجی بہبود آبادی کے ذیلی ادارے شعبہ شادی کی زیر اہتمام انجام پائی ہیں۔
وزارت محنت کے ریجنل ڈائریکٹر ڈاکٹر یوسف السیالی نے بتایا کہ یتیموں کی شادی کے متعدد مراحل ہوتے ہیں، پہلے مرحلے میں شادی کے خواہش مند یتیم لڑکے اور لڑکیوں کو شعبہ شادی میں خود کو رجسٹرڈ کرانا پڑتا ہے،خواہش مند افراد کے رجسٹریشن ہونے کے بعد شعبہ ان کے کوائف کا جائزہ لیتا ہے کہ ان کی فراہم کردہ معلومات درست ہے یا غلط ہے، پھر ان کے لیےدلہن تلاش کی جاتی ہے۔
ڈاکٹر السیالی نے مزید بتایا کہ شادی کا یہ شعبہ نہ صرف شادی کی تقریبات منعقد کرتا ہے بلکہ شادی کے بعد بھی ان سے رابطہ رکھتا ہےتاکہ مستقبل میں پیش آنے والی مشکلات سے انہیں نکالا جاسکے۔
