جنوبی کوریا سے کشیدہ تعلقات پر امریکی بیان سے شمالی کوریا سیخ پا

پیانگ یانگ (انٹرنیشنل ڈیسک) شمالی اور جنوبی کوریا کے تعلقات میں حال ہی میں پیدا ہونے والی کشیدگی سے متعلق امریکی محکمہ خارجہ کے بیان پر شمالی کوریا نے دھمکی دیتے ہوئے کہا ہے کہ امریکا اپنی زبان کو لگام دے، ورنہ اسے خوفناک تجربات کے لیے تیار رہنا چاہیے۔ اس سے قبل امریکی محکمہ خارجہ نے پیانگ یانگ حکومت کی جانب سے سیئول کے ساتھ روابط ختم کرنے کے اعلان کو مایوس کن قرار دیتے ہوئے افسوس کا اظہار کیا تھا۔