امریکا میں نامعلوم افراد کتے اور بلیاں مار کر جگہ جگہ پھینکنے لگے‘ شہری خوفزدہ

اوکلاہوما سٹی (انٹرنیشنل ڈیسک) امریکا میں کتوں اور بلیوں کو بے دردی سے مار کر کھائی میں پھینکے جانے کا انکشاف ہوا ہے۔ خبر رساں اداروں کے مطابق امریکی شہر اوکلاہوما سٹی میں جانوروں کی لاشوں کو ڈبوں اور تھیلوں میں بند کرکے پھینکا گیا۔ حکام کے مطابق علاقے کے لوگوں نے ہیلپ لائن پر فون کرکے انتظامیہ کو شکایت کی، جسے نظر انداز کیے جانے پر اہل علاقہ نے مقامی ٹی وی چینل کو آگاہ کیا۔ ایک خاتون کے مطابق اس نے ایک کتے کی باقیات کو خود دیکھا جس کی کھال کھینچ کر اتاری گئی تھی۔ بعد ازاں انتظامیہ واقعے کے خلاف حرکت میں آئی اور عملے کو مذکورہ مقام کی جانب بھیجا گیا۔