مصر میں کئی ماہ کی بندش کے بعد مساجدکھول دی گئیں

قاہرہ (انٹرنیشنل ڈیسک) مصر میں 3ماہ کے لاک ڈاؤن کے بعد مساجد کھول دی گئیں۔ خبررساں اداروں کے مطابق ہفتے کے روز قاہرہ کی سیدہ نفیسہ مسجد میں شہریوں نے سماجی فاصلے کی ہدایات پر عمل کرتے ہوئے فجر کی نماز ادا کی۔ دوسری جانب وزارت صحت کی جانب سے جاری بیان میں بتایا گیا ہے کہ 24گھنٹے کے دوران ملک بھر میں کورونا وائرس کے 1625نئے کیس سامنے آئے،جس کے بعد کیسوں کی تعداد 62ہزار755 تک پہنچ گئی۔