کیف (انٹرنیشنل ڈیسک) یوکرائن کے شہر لسٹک میں مسلح شخص نے بس کے 20 مسافروں کو یرغمال بنالیا۔ خبر رساں اداروں کے مطابق مسلح شخص کے پاس بارودی مواد بھی تھا۔ مقامی پولیس کا کہنا ہے کہ منگل کے روز شمال مغربی یوکرائن میں مسلح شخص نے بس کو اپنی کارروائی کا نشانہ بناتے ہوئے 20 مسافروں کو یرغمال بنا لیا۔ اطلاع ملنے پر پولیس نے دارالحکومت کیف سے 400 کلومیٹر مغرب میں واقع شہر کے مرکز کو سیل کردیا۔ آخری اطلاعات تک ملزم کی گرفتاری کی اطلاع نہیں آئی۔