بیروت میں گزشتہ روز ہوئے تباہ کُن دھماکے کے بعد ایران کی جانب سے امدادی کھیپ اور 30 ارکان پر مشتمل طبی ٹیم روانہ کردی ہے۔
غیر ملکی نیز ایجنسی کے مطابق اسلامی جمہوریہ ایران کی ریڈ کریسنٹ کے ڈائریکٹرکریم ہمتی کا کہنا تھا کہ بیروت کی بندرگاہ میں حالیہ دھماکے کے متاثرین کے لیے 15 ٹن خوراک، ادویات، فیلڈ ہسپتال اور طبی سامان اور 55 ٹن خوراک پر مشتمل پہلی کھیپ لبنان ارسال کر دی ہے۔
اس کھیپ کے ہمراہ ایک 30 رکنی طبی ٹیم بھی ایران سے بیروت کیلئے روانہ کی گئی ہے۔ اس کے علاوہ امدادی اشیاء کی دوسری کھیپ بھی جلد روانہ کر دی جائے گی۔
واضح رہے کہ منگل کو بیروت کی بندرگاہ پر واقع گودام میں خوفناک دھماکہ ہوا جس میں سیکڑوں افراد جاں بحق و زخمی ہوچکے ہیں۔