ترکی اور آذربائیجان کے جنگی طیاروں کی رات میں مشترکہ فوجی مشق

باکو (انٹرنیشنل ڈیسک) ترکی اور آذربائیجان کی مسلح افواج کی مشترکہ فوجی مشقیں تر آز ایگل 2020ء جاری ہیں۔ آذربائیجان کی وزارت ِ دفاع سے جاری کردہ اعلامیہ کے مطابق مشقوں میں ترک ایف 16 طیاروں اور آذربائیجان کے لڑاکا طیاروں نے دن کے ساتھ رات کے وقت بھی پروازیں کرتے ہوئے مختلف مہارتوں کا مظاہرہ کیا۔ اس دوران دو طرفہ کارروائی کے امکانات اور مواقع کی جانکاری سمیت اہداف کو ٹھیک نشانہ بنانے کی مشقیں بھی کی گئیں۔ دونوں ممالک کی یہ فوجی مشقیں گزشتہ ہفتے سے جاری ہیں۔