دنیا بھر میں کورونا متاثرین کی تعداد 2 کروڑ20 لاکھ سے بڑھ گئی

واشنگٹن/ میکسیکوسٹی/ ریوڈی جنیرو (اے پی پی) دنیا بھر میں کورونا وائرس سے متاثرہ افراد کی تعداد 2 کروڑ20 لاکھ سے بڑھ گئی ہے‘ اس مہلک وائرس کے باعث اب تک 7 لاکھ77ہزار سے زاید افراد ہلاک ہوچکے ہیں۔ منگل کو امریکی ذرائع ابلاغ کے مطابق امریکا میں کورونا وائرس سے متاثرہ افراد کی تعداد 56 لاکھ 12ہزار سے تجاوز کرگئی ہے ‘ اب تک ایک لاکھ 73 ہزار سے زاید افراد ہلاک ہوچکے ہیں۔ امریکا کے بعد برازیل میں مریضوں کی تعداد زیادہ ہے جبکہ بھارت، روس، جنوبی افریقا، پیرو، میکسکو اور چلی میں بھی لاکھوں افراد وائرس سے متاثر ہوئے ہیں۔