ایوان وفاقی اکائیوں کے مابین اہم کردار ادا کررہا ہے، سنجرانی

اسلام آباد (آن لائن) چیئرمین سینیٹ محمد صادق سنجرانی سے اْن کے چیمبر میں وزیراعلیٰ پنجاب عثمان بزدار کی ملاقات ہوئی ہے جس میںدونوں رہنماؤں کے درمیان اہم قومی اور سیاسی امور پر تبادلہ خیال کیا گیا, وزیراعلیٰ پنجاب نے چیئرمین سینیٹ کو پنجاب حکومت کی دو سالہ کارکردگی اور جاری ترقیاتی منصوبوں سے متعلق بتایا۔کم ترقی یافتہ علاقوں اور پسماندہ طبقات کی بہتری کے لیے اقدامات کئے جائیں۔ چیئرمین سینیٹ صادق سنجرانی کہا کہ ایوان بالا
وفاقی اکائیوں کے مابین بہتر رابطہ کاری کے لیے اپنا کر دار ادا کرتا رہے گا۔ صوبوں کے درمیان بہتر قانون سازی کے لیے وفاق اور صوبوں کے درمیان موثر روابط ضروری ہیں۔ چیئرمین سینیٹ محمد صادق سنجرانی نے کہا کہ صوبے عوامی فلاح کے منصوبوں اور قومی یکجہتی کے فروغ کے لیے مشترکہ لائحہ عمل اختیار کریں اور ایوان بالاصوبوں کی ہر قسم کی معاونت کے لیے سرگرم رہے گا۔