ریاض: سعودی عرب کے شہر ریاض میں فوجداری عدالت نے جرم ثابت ہونے پر 7 افراد کے سر قلم کرنے کا حکم دے دیا۔
بین الاقوامی میڈیا کے مطابق سعودی عرب دارالحکومت ریاض میں فوجی عدالت نے مشرقی گورنریٹ الاحسا میں 2014 میں مسلح حملے میں ملوث 7 دہشت گردوں کو سزائے موت کا حکم دے دیا۔
ملزمان کے گروہ میں شامل مسلح افراد نے الاحسا میں واقع گاؤں الدالوہ میں فائرنگ کرکے 8 افراد کو ہلاک کردیا تھا۔
عدالت نے اس مقدمے میں 7 ملزمان کو مجرم ٹھہراتے ہوئے سزائے موت اور 3 مجرموں کو 25، 25 سال قید کی سزا سنائی ہے۔