جرمنی میں ایک ماں نے اپنے پانچ بچوں کو قتل کرنے کے بعد خودکشی کرلی۔
غیر ملکی ذرائع ابلاغ کے مطابق بچوں کی نانی نے مقامی پولیس کو فون کر کے اطلاع دی کہ ان کی 27 سالہ بیٹی نے اپنے پانچ بچوں کو قتل کر کے خودکشی کرلی ہے۔
مقامی اخبار کی ایک رپورٹ کے مطابق یہ واقع جرمنی کے مغربی شہر سولنجن میں پیش آیا۔ 27 سالہ خاتون چھ بچوں کی ماں ہے۔ خاتون نے پہلے اپنے پانچ بچوں کو گھر میں قتل کیا اور پھر باہر جاکر ٹرین کے آگے کُود کر اپنی زندگی کا خاتمہ کردیا۔
رپورٹ کے مطابق خاتون نے اپنے جن بچوں کو قتل کیا ہے ان کی عمریں 1 سال سے لے کر 8 سال تک کی ہیں۔ جب کہ چھٹا بچہ 11 سال کا ہے جسے معمولی سی چوٹ بھی نہیں آئی۔
پولیس کا کہنا ہے کہ خاتون نے بچوں کو قتل کر کے خودکشی کیوں کی اس حوالے سے تحقیقات کی جارہی ہے۔ ابتدائی معلومات کے مطابق خاتون ذہنی مریضہ تھیں۔