کراچی: لیاری تانگہ اسٹینڈ کے قریب 2 منزلہ رہائشی عمارت گرگئی.
تفصیلات کے مطابق لیاری تانگہ اسٹینڈ کے قریب 2 منزلہ عمارت زمین بوس ہوگئی، علاقہ مکینوں نے اپنی مدد آپ کے تحت امدادی کاروائیاں شروع کردیں تاہم اطلاع ملنے پر ریسکیو ٹیمیں اور رینجرز کے جوان جائے وقوعہ پر پہنچیں اور امدادی سرگرمیوں کا آغاز کردیا.
ریسکیو حکام کے مطابق ملبے سے 2 افراد کی لاشیں نکال لی گئیں ہیں جبکہ 12 زخمیوں کو اسپتال منتقل کردیا گیا ہے اور ملبے تلے متعدد افراد کے پھنسے ہونے کا خدشہ ہے، متاثرہ عمارت کا ملبہ اٹھانے کے لیے ہیوی مشنیری بھی طلب کرلی گئی ہے.