سندھ حکومت نے کراچی میں موٹر سائیکل کی ڈبل سواری پر پابندی عائد کرنے کا اعلان کردیا۔
محکمہ داخلہ نے پابندی کا نوٹی فکیشن جاری کردیا ہے جس کے مطابق موٹر سائیکل کی ڈبل سواری پر پابندی ایک ماہ کے لیے ہوگی۔
نوٹی فکیشن کے مطابق فیصلہ امن و امان کی فضا کو برقرار رکھنے کے لیے کیا گیا ہے۔ صحافی، بزرگ، خواتین اور بچے پابندی سے مستثنیٰ ہوں گے۔
ذرائع ابلاغ کے مطابق ڈبل سواری پر پابندی عائد کرنے کا فیصلہ آئی جی سندھ کی سفارش پر کیا گیا ہے۔
واضھ رہے کہ پابندی کا فیصلہ گزشتہ روز جامعہ فاروقیہ کے مہتمم ڈاکٹر مولانا عادل خان کی شہادت کے بعد سامنے آیا ہے۔