کویت سٹی (انٹرنیشنل ڈیسک) کویت میں ہفتے کے روز پارلیمانی انتخابات کا انعقاد ہوا، جس میں 5 لاکھ 67 ہزار شہری رائے دہی کا حق استعمال کرنے کے اہل ہی۔ ملک میں ارکان پارلیمان کا 4 سال کے لیے چناؤ کیا جائے گا۔ خطے کی سیاست پر نظر رکھنے والے مبصرین کا کہنا ہے کہ اس سلسلے میں کسی بڑی سیاسی تبدیلی کے امکانات بہت کم ہیں جب کہ وبا کے باعث ووٹنگ کا ٹرن آؤٹ بھی غیر معمولی کم ہو سکتا ہے۔ الیکشن کے دوران کورونا کے باعث سخت حفاظتی اقدامات کیے گئے تھے۔
