برازیلیا (انٹرنیشنل ڈیسک) جنوبی امریکی ملک برازیل میں ایک بس پل سے نیچے جا گری، جس کے نتیجے میں کم از کم 16 مسافر ہلاک اور 27 دیگر زخمی ہو گئے۔ خبر رساں اداروں کے مطابق بس کو حادثہ بریک فیل ہونے کے باعث پیش آیا۔ واقعہ جنوب مشرقی ریاست میناس گیراس کے گاؤں جوآؤ مون لیوادے کے قریب جمعہ کے روز پیش آیا۔ عینی شاہدین کے مطابق تیز رفتاری کے باعث بس پل کے جنگلے سے ٹکرانے کے بعد45 فٹ گہری کھائی میں جا گری۔ حادثے سے متعلق متضاد اطلاعات کے مطابق گرنے سے قبل بس کا ایک ٹرک سے تصادم بھی ہوا، جو ممکنہ طور پر حادثے کی ایک وجہ ہو سکتا ہے۔