اسلام آباد: وزیراعظم عمران خان نے فرانس سے تعلقات ختم کرنے کے معاملے پر مسلم امہ سے مشاورت کا فیصلہ کرلیا ہے۔
نجی ٹی و ی کے مطابق اس سلسلے میں وزیر خارجہ شاہ محمود قریشی کو اسلامی ممالک سے رابطوں کا ٹاسک سونپ دیا گیا ہے، وزیر خارجہ شاہ محمود قریشی اسلامی تعاون تنظیم (او آئی سی) ممالک سے رابطوں کے بعد وفاقی کابینہ کو آگاہ کریں گے۔ جس کے بعد فرانس سے سفارتی تعلقات ختم کرنے یا نہ کرنے کا فیصلہ کیا جائے گا۔