فیس بک کا بجرنگ دَل کے لیے نرم رویہ رکھنے کا انکشاف

واشنگٹن (انٹرنیشنل ڈیسک) سماجی رابطے کی ویب سائٹ فیس بک نے دوغلی پالیسی کے تحت انتہا پسند ہندؤں کی تنظیم بجرنگ دَل کی تشدد پر مبنی پوسٹوں کے خلاف کوئی کارروائی نہیں کی۔ امریکی اخباروال اسٹریٹ جرنل کی خصوصی رپورٹ میں بتایا گیا کہ فیس بک انتظامیہ بھارت میں تشدد پسند جنونی ہندوؤں کی جماعت بجرنگ دل کے خلاف کارروائی سے اجتناب کرتی ہے۔ فیس بک انتظامیہ کا رویہ بجرنگ دل کے حوالے سے انتہائی نرم ہے، حالاں کہ وہ اقلیتوں کو نشانہ بنانے اور مسلمانوں کے قتل عام کی کھلے عام حمایت کرتی ہے۔