راولپنڈی : بھارتی فوجیوں نے ایک بار پھر امن کو سبوتاژ کرتے ہوئے لائن آف کنٹرول ( ایل او سی ) کے قریب چری کوٹ سیکٹر میں بلااشتعال فائرنگ کی ، جس کے نتیجے میں اقوام متحدہ کے مبصرین کو نشانہ بنایا۔
سماجی رابطے کی ویب سائٹ پر پاک فوج کے شعبہ تعلقات عامہ (آئی ایس پی آر) نے ٹوئٹ کرتے ہوئے بتایا کہ بھارتی فوج نےجان بوجھ کراقوام متحدہ کی گاڑی کونشانہ بنایا، اقوام متحدہ کی گاڑیاں واضح طورپردورسےبھی پہچانی جاتی ہیں۔
Indian Army resorted to unprovoked fire in Chirikot Sector of #LOC. Indian troops deliberately targeted a United Nations vehicle with 2 Military Observers on board, enroute to interact with CFV victims in Polas Village in Chirikot Sector. It must be noted that the UN (1/4) pic.twitter.com/9MB0uLpq6d
— DG ISPR (@OfficialDGISPR) December 18, 2020
آئی ایس پی آر کا مزید کہنا تھا کہ گاڑی میں اقوام متحدہ کےدومبصرین موجود تھے، جو پولاس گاؤں کےمتاثرہ افرادسےملاقات کیلئےجارہےتھے،گاڑی میں موجوداقوام متحدہ کےدونوں فوجی مبصرین محفوظ رہے۔
آئی ایس پی آر نے مزید بتایا کہ دونوں یواین مبصرین کوپاک فوج نےبحفاظت راولاکوٹ منتقل کیا،بھارت کی ایسی غیرقانونی کارروائیاں طےشدہ بین الاقوامی اقدارکیخلاف ہیں،ایسی غیرقانونی کارروائیاں بھارتی فوج کی بدنیتی کو اجاگرکرتی ہیں۔
آئی ایس پی آر کامزید کہنا تھا کہ بھارتی فوج ایل اوسی پر ناصرف شہریوں بلکہ اقوام متحدہ پیس کیپرزکوبھی نشانہ بناتی ہے،پاک فوج یواین فوجی مبصرگروپ کےافسران سےاظہار یکجہتی کرتی ہے، یہ کارروائی بھارتی فوج کےیواین چارٹر کےاصولوں سےمکمل انحراف کوظاہر کرتی ہے۔