ابوجا (انٹرنیشنل ڈیسک) نائیجیریا میں حکومتی قافلے پر مسلح افراد کے حملے میں 8 افراد ہلاک ہوگئے۔ ذرائع ابلاغ کے مطابق واقعہ ریاست زمفارہ کے علاقے کورا نمودہ میں پیش آیا۔ حملہ رات کے وقت ہوا کہ جب مقامی رہنما سنوسی محمد آشا اپنے قافلے کے ساتھ دارالحکومت ابوجا سے واپس زمفارہ جارہے تھے۔ رپورٹ کے مطابق ہلاک ہونے والوں میں ڈرائیور، 2 سیکورٹی گارڈ، 3پولیس افسران اور ایک شہری شامل ہے۔ حکومت کا کہنا ہے کہ حملہ آوروں کو شناخت کرنے کے لیے کارروائیاں جاری ہیں۔