اسلام آباد تہران استنبول (آئی ٹی آئی) کارگو ٹرین میں آذربائیجان بھی شامل ہونے کو تیار ہے۔
میڈیا رپورٹس کے مطابق پاکستان میں آذربائیجان کے سفیرعلی علی زادہ نے پاکستان، ایران اورترکی میں آئندہ برس سے ریل بحالی پر خوشی کا اظہار کرتے ہوئے کہا کہ آئی ٹی آئی کارگو ٹرین سروس خوش ائند ہے۔
آذربائیجان کے سفیر کا کہنا تھا کہ آئی ٹی آئی کارگو ٹرین میں شامل ہونے کے لیے آذربائیجان کے متعلقہ حکام اس پر غور وخوض کررہے ہیں کہ کیسے مستقبل میں پاکستان ، ایران اور ترکی کے درمیان اس کارگو ٹرین پر آذربائیجان کا پرچم بھی شامل کیا جائے ۔
علی علی زادہ نے آئی ٹی آئی کارگو ٹرین کے حوالے سے سماجی رابطے کی ویب سائٹ پر ٹوئٹ کے ذریعے ٹرین روٹ بھی شیئر کیا ہے۔
#Islamabad–#Tehran–#Istanbul train to launch in 2021.
A very promising project which can also be considered by the relevant authorities for further connection to #Azerbaijan 🇦🇿in future ! https://t.co/00DMqyH49l pic.twitter.com/rgjIUZjEWL— Ali Alizada 🇦🇿 (@Ali_F_Alizada) December 21, 2020
واضح رہے کہ اکستان ریلویز نے ایکسپورٹ کارگو ٹرین کی فزیبلٹی تیار کر لی ہے، یہ ٹرین سروس آئندہ سال کے ابتدائی دنوں میں ہی شروع کر دی جائے گی۔