مقبوضہ بیت المقدس (انٹرنیشنل ڈیسک) اسرائیلی فوج نے مقبوضہ مغربی کنارے کے وسطی شہر رام اللہ میں دیر نظام کا محاصرہ کرکے 15 فلسطینیوں کو گرفتار کرلیا۔ فلسطینی ذرائع ابلاغ کے مطابق قابض فوج کی بھاری نفری نے صبح سویرے دیر نظام کا محاصرہ کر کے گھر گھر تلاشی کا سلسلہ شروع کیا۔ صہیونی اہل کاروںنے اس دوران شہریوں کو زدو کوب کیا اور تلاشی کے دوران قیمتی سامان کی توڑپھوڑ کرکے نقدی زیورات لوٹ لیے۔ یاد رہے کہ اس علاقے میں فلسطینیوں کی سنگ باری سے اسرائیلی شہری زخمی ہوا تھا۔