آکلینڈ(جسارت نیوز)نیوزی لینڈ ورلڈ ٹیسٹ چیمپئن شپ کے فائنل میں رسائی حاصل کرنے والی پہلی ٹیم بن گئی۔تفصیلات کے مطابق آسٹریلوی کرکٹ ٹیم کا دورہ جنوبی افریقا ملتوی ہونے کے باعث نیوزی لینڈ نے ورلڈ ٹیسٹ چیمپئن شپ کے فائنل میں رسائی حاصل کرلی ہے۔ورلڈ ٹیسٹ چیمپئن شپ کے فائنل میں دوسری ٹیم بھارت، انگلینڈ اور آسٹریلیا میں سے کوئی ہوسکتی ہے۔تاہم سیریز ملتوی ہونے کے باعث آسٹریلیا کے امکانات انتہائی کم ہوگئے ہیں۔واضح رہے کہ آسٹریلوی ٹیم نے رواں ماہ جنوبی افریقا میں 3 ٹیسٹ میچز کی سیریز کھیلنا تھی۔