پاکستان مسلم لیگ (ن) کے سینئر رہنما مشاہد اللہ خان آج اسلام آباد میں انتقال کرگئے۔
مشاہد اللہ خان کے بیٹے ڈاکتر عفنان اللہ خان نے والد کے انتقال کی تصدیق کرتے ہوئے بتایا کہ ان کے والد کی نماز جنازہ بعد نماز ظہر اسلام آباد کے ایچ 11 قبرستان میں ادا کی جائے گی۔
میرے والد صاحب مشاہد اللہ خان رضائے الہی سے انتقال کر گئے ہیں۔ ان کی نماز جنازہ ظہر کے وقت H11 کے قبرستان اسلام آباد میں ہو گی۔ pic.twitter.com/rhEPkEFKX6
— Dr. Afnan Ullah ڈاکٹر افنان اللّہ خان (@afnanullahkh) February 17, 2021
رہنماؤں کا اظہار افسوس:
مسلم لیگ (ن) کی نائب صدر مریم نواز کا مشاہد اللہ خان کے انتقال پر کہنا ہے کہ نواز شریف کے دیرینہ ساتھی مشاہداللہ خان ہمیں چھوڑ گئے۔ مشاہد اللہ کے انتقال کی خبر سن کر انتہائی رنجیدہ ہوں۔
انہوں نے کہا کہ ہم ان کی والد جیسی شفقت کو کبھی بھول نہیں پائیں گے۔ مشاہداللہ خان نوازشریف کے وفادار اور دیرینہ ساتھی تھے۔ مشاہد اللہ کی وفات پارٹی کے لیے بہت بڑا نقصان ہے۔ افسوس ناک خبر سن کر مجھے انتہائی صدمہ پہنچا۔
Senator Mushahidullah Khan, MNS’s loyal and exceptional companion left us. I am shattered to hear the sad news. Will never be able to forget his fatherly affection love. Huge huge loss. May Allah SWT shower upon him every blessing that HE has reserved for the afterlife. Ameen.
— Maryam Nawaz Sharif (@MaryamNSharif) February 17, 2021
چیئرمین سینیٹ آف پاکستان صادق سنجرانی نے افسوس کا اظہار کرتے ہوئے کہا کہ مشاہد اللہ انتہائی شفیق اور ضع دار شخصیت کے مالک تھے۔ مشاہد اللہ خان زیرک سیاستدان تھے۔ مشاہد اللہ کی سیاسی وپارلیمانی خدمات کو یاد رکھا جائے گا۔
وفاقی وزیر اطلاعات و نشریات سینیٹر شبلی فراز کا کہناہے کہ پارلیمانی و جمہوری اقدار کے فروغ میں مشاہداللہ کا اہم کردار رہا۔
سینیٹر مشاہد اللہ خان کے انتقال پر گہرا دکھ اور افسوس ہے۔پارلیمانی و جمہوری اقدار کے فروغ میں انکا اہم کردار رہا۔اللہ تعالی ان کو جوار رحمت میں جگہ عطا فرمائے اور لواحقین کو صبر جمیل دے۔
— Senator Shibli Faraz (@shiblifaraz) February 18, 2021