حیدرآباد(اسٹاف رپورٹر)جمعیت علماء پاکستان و ملی یکجہتی کونسل کے صدر ڈاکٹر صاحبزادہ ابوالخیر محمد زبیر نے میلاد مصطفیٰ چوک (کوہ نور)پر مرکزی جماعت اہلسنت کے زیر اہتمام مرکزی میلاد مصطفیٰ ﷺکانفرنس سے خطاب کرتے ہوئے کہا کہ پاکستان کو آئی ایم ایف کی غلامی سے نجات دلا کر مصطفیٰ کریمﷺ کی غلامی میں دیا جائے ،قوم کے مسائل کا حل صرف اور صرف نظام مصطفیؐ میں ہے ، بیرونی ایما پر گرانی کا عذاب قوم پر مسلط کیا جارہا ہے، ہوشربا مہنگائی ،پیٹرول کی قیمتوں میں مسلسل اضافہ، بجلی، گیس کی گرانی، آٹا،دال، چاول کی قیمتیں آسمان سے باتیں کررہی ہیں، اقتدار اللہ کی نعمت ہے حکمران اس کی قدر کریں اور عوام کیلیے سہولت پیدا کریں۔
