اسلام آباد (آن لائن) اندرون ملک پروازوں کی منسوخی کے معاملے پر پاکستان کی سول ایوی ایشن اتھارٹی(سی اے اے) نے نوٹس لے لیا ہے۔ سی اے اے نے ہدایت کی ہے کہ پرواز کی منسوخی پرائر لائن اپنی یا دوسری ائرلائن پر مسافر کو منزل تک پہنچائے۔ مسافر مطلوبہ سہولت نہیں لینا چاہتا تو ائرلائن کو ٹکٹ 100 فیصد واپس کرنا ہوگا۔ حکام نے کہا ہے کہ لوڈ کی
کمی کے باعث پروازوں کی منسوخی کم سے کم کی جائے۔ پروازوں کی منسوخی کم نہ ہونے پر کارروائی کی جائے گی۔ حکام کا کہنا ہے کہ یکم سے 18 اکتوبر تک مجموعی طور پر 1145 پروازوں میں سے 383 پروازیں منسوخ کی گئی ہیں۔قومی ائرلائن کی جانب سے 417 میں 130 شیڈول پروازیں منسوخ کی گئیں۔ سرین ائرلائن نے 117، ائر بلیو نے 86 اور ائر سیال نے 50 پروازیں منسوخ کیں۔