وارسا (انٹرنیشنل ڈیسک) پولینڈ نے یورپی عدالت کی جانب سے عائد 10لاکھ یورو یومیہ جرمانہ مسترد کردیا۔ وزارت انصاف کی جانب سے جاری بیان میں کہا کہ وارسا حکومت اتنا جرمانہ ادا نہیں کرسکتی اور اسے کرنا بھی نہیں چاہیے۔ یاد رہے کہ یورپی عدالت انصاف نے پولینڈ کو اپنے ہاں قانون کی بالا دستی کی نفی کرنے پر روزانہ 10لاکھ یورو جرمانے کی سزا سنائی تھی۔ یہ حکم ایسے مقدمے میں سنایا گیا، جس کی وجہ پولش سپریم کورٹ میں قائم ججوں کے لیے تادیبی چیمبر بنا۔ یورپی عدالت نے کہا ہے کہ وارسا حکومت نے ملکی سپریم کورٹ کے ججوں کے خلاف تادیبی کارروائی کے لیے چیمبر قائم کر رکھا ہے۔