کراچی(اے پی پی )ٹی ایم سی کرکٹ کلب محمد زبیر محمدی میموریل کرکٹ ٹورنامنٹ کے سیمی فائنل میں پہنچ گئی، دوسرے کوارٹر فائنل میں جناح کرکٹ کلب کو شکست کا سامنا کرنا پڑا، شعیب نقوی نے آل رائونڈ کارکردگی کا مظاہرہ کیا۔ ٹورنامنٹ کے دوسرے کوارٹر فائنل میں ٹی ایم سی کرکٹ کلب نے جناح اسپورٹس کو دلچسپ اور سنسنی خیز مقابلے کے بعد 5 رنز سے شکست دے کر سیمی فائنل کھیلنے کا اعزاز حاصل کرلیا۔ دوسرے کوارٹر فائنل میں ٹی ایم سی کلب کی پوری ٹیم 132 رنز بناکر آئوٹ ہوگئی۔