خالصتان تحریک میں 1981سے اب تک 19ہزارسکھ جان بحق ہوئے

سکھوں کے آزاد وطن ”خالصتان“ کے لیے ریفرنڈم

بھارت میں سکھوں کے علیحدہ وطن کیلئے ریفرنڈم بھارت میں سکھوں کے علیحدہ وطن کے قیام کے لیے لندن میں ریفرنڈم کا آغاز ہو گیا ہے۔اور سکھوں کے الگ وطن خالصتان کا نیا نقشہ بھی جاری کر دیا گیا ہے۔ ریفرنڈم کے لیے ووٹنگ سپریم کورٹ کے عقب میں موجود سرکاری عمارت کوئین ایلزبتھ 2 میں ہو رہی ہے، ووٹنگ کے موقع پر عمارت پر خالصتان کے جھنڈے بھی لگا دیے گئے ہیں۔

یونیورسٹی آف سدرن کیلیفورنیا میں مقیم کمیشن کے چیئرمین M Dane Watersنے واضح کیا ہے کہ کمیشن کا کردار "سکھس فار جسٹس کو ایک ایسا ریفرنڈم کروانے میں مدد کرنا ہے جو ممکن حد تک بین الاقوامی اصولوں کے مطابق ہو۔ کمیشن کا تقرر امریکہ میں قائم خالصتانی علیحدگی پسند گروپ سکھ فار جسٹس نے کیا ہے۔ یہ کمیشن جمہوریت کے ماہرین پر مشتمل ہے ۔M Dane Watersنے واضح کیا ہے کہ اگرچہ یہ ایک غیر سرکاری ریفرنڈم ہے، لیکن اسکا نتیجہ سکھ برادری کے لیے ایک آزاد وطن کیلئے بنیاد فراہم کر سکتا ہے اور اس نتیجے کے ذریعے اقوام متحدہ سے بھارت کے زیر انتظام ریاست پنجاب کو ایک آزاد وطن کے طور پر قائم کرنے کے لیے باضابطہ ووٹنگ کی درخواست کی جاسکتی ہے۔

سکھ رہنما پرم جیت سنگھ پما کا کہنا ہے کہ ریفرنڈم کی نگرانی غیر جانبدار کمیشن کر رہا ہے جبکہ سکھ رہنما پتوت سنگھ پنوں نے الزام عائد کیا ہے کہ بھارتی حکومت نے ریفرنڈم سے روکنے کیلئے مجھ پر جعلی مقدمات بنوائے۔ یہ بھارت میں سکھوں کی الگ ریاست کے قیام کی جانب ایک اور قدم ہے

ساوتھ ایشین وائرنے اپنی ایک خصوصی رپورٹ میں بتایا ہے کہ بھارتی پنجاب میں جاری تحریک میں سال 1981سے اب تک 11798عام شہری اور8125مسلح سکھ علیحدگی پسند جان بحق ہوئے ۔ اسی عرصے میں 1764فورسز کے اہلکار بھی کام آئے۔ 1984میں359عام شہری، 20فورسز اہلکاراور77علیحدگی پسند ،1988میں 1949عام شہری، 110فورسز اہلکار، 373علیحدگی پسند، 1989میں1168عام شہری،201فورسز اہلکار، 703علیحدگی پسند، 1990میں 2467شہری، 476اہلکار، 1320سکھ مسلح علیحدگی پسند،1991میں2591عام شہری، 497سیکورٹی اہلکار،2177علیحدگی پسند، 1992میں 1518عام شہری 252سیکورٹی اہلکار، 2113علیحدگی پسند، 1993 میں 48عام شہری25سیکورٹی اہلکار، 798علیحدگی پسند اپنی جان سے ہاتھ دھو بیٹھے۔جبکہ 1994سے 6جون 2021تک 228عام شہری اور1011مسلح علیحدگی پسند جان بحق ہوئے۔