کراچی: رویت ہلال کمیٹی کے سابق چیئرمین معروف مفتی منیب الرحمن کا کہنا ہے کہ حکومت نے اب اگر کسی کالعدم تنطیم تحریک لبیک پاکستان ( ٹی ایل پی ) کے فرد کو گرفتار کیا تو معاہدے کی خلاف ورزی سمجھی جائے گی،ملک کی خاطر ایثار سے کام لینا پڑتا ہے، معاہدے کے عملی نتائج دیکھیں گے۔
میڈیا سے گفتگو کرتے ہوئے مفتی منیب الرحمن نے کہا کہ لوگوں سے وعدہ کیا جائے تو پوراکیا جائے،حکومتی لوگ جھوٹ بولنا شروع کردیں تو اعتماد کیسے قائم ہوگا،فرانسیسی سفیر کی ملک بدری کے حوالے سے غلط بیانی کی گئی۔
مفتی منیب الرحمن کا کہنا تھا کہ ہم کہتے ہیں حکومت طاقت کا استعمال نہ کرے،مذاکرات کے لیے اعلیٰ سطح کمیٹی کے قیام کا مطالبہ کیا تھا ،جو بااختیار ہو،ہماری اصلاحی کوشش کے پیچھے کوئی ذاتی مفاد نہیں،طاقت کے استعمال کی دھمکیاں نہ دی جائیں،طاقت کا استعمال حکومت کے لیے تباہ کن ہوگا۔
انہوں نے مزید کہاکہ حکومت نے کالعدم ٹی ایل پی سے معاہدے کرکے پورے نہیں کیے ، پہلے ہی کہا تھا کہ دوغلے وزیروں کی زبان بند کرکے مصالحتی ماحول پیدا کیا جائے۔