اقوام متحدہ کی فوڈ ایجنسی نے خبردار کیا ہے کہ تینتالیس ممالک میں کم ازکم پینتالیس ملین افراد قحط کے دہانے پر آ چکے ہیں۔
بتایا گیا ہے کہ صرف افغانستان میں خشک سالی کی وجہ سے تین ملین افراد خوراک سے محروم ہیں۔ اس صورتحال کی وجہ مسلح تنازعات اور ماحولیاتی تبدیلیوں کے علاوہ کووڈ انیس کی عالمی وبا بھی ہے۔
متاثرہ ممالک میں ایتھوپیا، ہیٹی، صومالیہ، انگولا، کینیا اور برونڈی بھی شامل ہیں۔
خیال رہے کہ افغان طالبان نے عالمی سطح پر امداد طلب کرنے کی اپیل کی تھی اور کہا تھا کہ عالمی ادارے بینکوں کے اکاؤنٹ بند کرنے کے بجائے ہر طرح سے تعاون کریں۔