کمپالا(انٹرنیشنل ڈیسک) وسط افریقی ملک کانگو میں تازہ لڑائی کے بعد 5ہزار سے زیادہ پناہ گزین جنوب مغربی ضلع کسورو کے راستے سرحد عبور کر کے پڑوسی ملک یوگنڈا پہنچ گئے۔ بین الاقوامی خبررساں اداروںکے مطابق ضلع کسورو کے حکام نے اپنے ایک بیان میں کہا کہ مشرقی کانگو میں لڑائی میں شدت آنے کے باعث مہاجرین کی تعداد میں اضافے کی توقع ہے۔ بیان میں مزید کہا گیا ہے کہ تقریباً 5ہزار پناہ گزین پہنچ چکے ہیں اور دیگر اب بھی آ رہے ہیں۔
