کراچی میں ایف آئی اے سائبر کرائم سندھ زون کی جانب سے کامیاب کارروائی کی گئی ہے،کورونا ویکسن کی جعلی انٹریاں کرنے والے 3 ملزمان گرفتار ۔ تفصیلات کے مطابق کارروائی کے نتیجے میں کورونا ویکسن کی جعلی انٹریاں کرنے والے 3 ملزمان کو گرفتار کرلیا گیا ہے۔ ایڈیشنل ڈائریکٹر ایف آئی اے سائبر کرائم عمران ریاض کا کہنا ہے کہ ملزمان کو سکھر کے بیسک ہیلتھ یونٹ سے گرفتار کیا ہے جبکہ گرفتار کیے جانے والے ملزمان میں فیصل، فضل اور حیدر شامل ہیں۔ایڈیشنل ڈائریکٹر ایف آئی سائبر کرائم سرکل عمران ریاض نے مزید بتایا کہ ایف آئی اے کی جانب سے کورونا وائرس کی ویکسین کی جعلی انٹریاں اور جعلی سرٹیفیکٹ بنانے والوں کے خلاف کاروائیوں کا سلسلہ جاری رہیگا۔
