پاکستان اسٹوڈنٹس اولمپک ایسوسی ایشن کے زیراہتمام اور وہیل کالج کے تعاون سے پانچویں وہیل اسٹوڈنٹ گیمز 25 نومبر سے کراچی میں شروع ہوگی، گذشتہ روز پاکستان اسٹوڈنٹس اولمپک ایسوسی ایشن کے صدر مقبول آرائیں نے بتایا کہ گیمز کی تیاریاں زور و شور سے جاری ہیں۔ ایونٹ میں تین کیٹگریز میں مرد اور خواتین کھلاڑی حصہ لیں گے جن میں انڈر14-، انڈر17- اور انڈر 21- کے مقابلے شامل ہیں، انہوں نے کہا کہ گیمز میں دس کھیلوں کے مقابلے رکھے گئے ہیں جن میں آرچری، باسکٹ بال، کرکٹ، فٹ سال، روک بال، تھروبال، تائیکوانڈو،روپ اسیکیپنگ، جمناسٹک اور یوگا کے کھیل شامل ہیں، یہ مقابلے4 دسمبر تک کھیلے جائیں گے اور کھلاڑیوں کے لئے کیش ایوارڈ اور دیگر انعامات رکھے گئے ہیں۔