نئی دہلی (انٹرنیشنل ڈیسک) بھارتی سپریم کورٹ کے 3رکنی اسپیشل بینچ نے دارالحکومت نئی دہلی میں فضائی آلودگی کے خلاف درخواست پر سماعت کی۔ سپریم کورٹ نے کہا کہ نئی دہلی میں فضائی آلودگی پر قابو پانے کے لیے فوری اقدامات کیے جائیں، فضائی آلودگی کی سطح میں فوری کمی چاہتے ہیں۔ چیف جسٹس کا کہنا تھا کہ فضائی آلودگی کی صورتحال بری ہوگئی ہے۔ فضائی آلودگی کا ذمے دار صرف کسانوں کو ٹھیرایا جا رہا ہے، جب کہ فصلوں کی باقیات جلانے کا فضائی آلودگی میں کردار 40 فیصد ہے۔ عدالت نے پنجاب اورہریانہ کی حکومتوں سے فصلوں کی باقیات جلانے کا سلسلہ کچھ دنوں کے لیے روکنے کا کہا۔
