اپوزیشن اتحاد پی ڈی ایم کے ترجمان حافظ حمد اللہ نے کہا ہے کہ عمران خان ریاست مدینہ کا نام لے کر زیادہ پارسا بننے کی کوشش نہ کریں۔وزیراعظم کی تقریر پر ردعمل میںکہا کہ عمران خان کرپٹ اور چوروں کے سردار ثابت ہوگئے ہیں، وزیر اعظم کی کابینہ کے لوگوں کے نام کیا پنڈورا لیکس میں شامل نہیں؟ کیا فارن فنڈنگ کیس میں عمران خان مطلوب نہیں ہیں؟۔
پی ڈی ایم ترجمان نے مزید سوال کیا کہ کیا چوروں کو بچانےکےلیے قومی احتساب بیورو (نیب) قوانیں میں ترمیم کرکےاین آر او نہیں دیا؟ان کا یہ بھی پوچھنا تھا کہ کورونا فنڈ میں 40 ارب روپے کی ڈکیتی آپ کی حکومت میں کس نے کی؟۔
حافظ حمد اللہ کا کہناتھا کہ عمران خان ریاست مدینہ کا نام لے کر زیادہ پارسا بننے کی کوشش نہ کریں، عوام آپ کی صورت میں ساڑھے 3 سال سے عذاب میں مبتلا ہیں۔انہوں نے کہا کہ پی ڈی ایم مولانا فضل الرحمان کی قیادت میں آپ کا سیاسی خاتمہ کرکے دم لے گی۔
