متحدہ عرب امارات میں پیٹرولیم مصنوعات کی قیمتوں میں کمی

ابوظبی (انٹرنیشنل ڈیسک) متحدہ عرب امارات کی حکومت نے پیٹرولیم مصنوعات کی قیمتوں میں کمی کا اعلان کردیا۔ خبر رساں اداروں کے مطابق متحدہ عرب امارات کی فیول پرائس کمیٹی نے آیندہ ماہ کے لیے پیٹرولیم مصنوعات کی قیمتوں کا اعلان کیا ہے، جس کے مطابق دسمبر کے لیے سپر 98 پیٹرول کی قیمت 2.80 درہم سے کم کرکے 2.77 درہم کردی گئی ہے۔ اس کے علاوہ اسپیشل 95 پیٹرول کی قیمت 2.69 درہم سے کم کرکے 2.66 درہم پر لیٹر کی گئی ہے۔اس کے علاوہ ای پلس 91 پیٹرول دسمبر میں 2.61 درہم پر لیٹر کی جگہ 2.58 درہم پر لیٹر پر دستیاب ہوگا۔