پشاور(جسارت نیوز) ثنا بہادر نے مہوش علی کو 11-9، 13-11 اور 11-5 سے شکست دیکر خیبر پختونخوا خواتین سینئر اسکواش چمپئن شپ جیت لی، اسکواش کے سابق عالمی چمپئن شپ قمر زمان نے اختتامی تقریب میں انعامات تقسیم کیے۔خیبر پختونخوا سکواش ایسوسی ایشن کے سیکرٹری منصور زمان، ایگزیکٹو ممبرز وزیر محمد، فیاض خلیل، شیر بہادر، خواتین کوآرڈی نیٹر نور جت، چیف ریفری عادل فقیر، چیف آرگنائزر و ٹورنامنٹ ڈائریکٹر منصور زمان بھی اس موقع پر موجود تھے۔ قبل ازیں پہلے سیمی فائنل میں ثنا بہادر نے کائنات عامر کو 11-7، 11-4 اور 11-6 سے جبکہ مہوش علی نے مناحل عقیل کو11-7 سے شکست دیکر فائنل میں جگہ بنائی۔