برازیلیا(انٹرنیشنل ڈیسک) برازیل کی شمال مشرقی ریاست باہیا میں شدید بارشوں کی وجہ سے کم از کم 7افراد ہلاک اور ہزاروں لوگ بے گھر ہو گئے ہیں۔ یہ اطلاع علاقائی سول انتظامیہ نے دی ۔ خبررساں اداروں کے مطابق سول انتظامیہ کی جانب سے بتایا گیا ہے کہ ہفتہ کے روز شروع ہونے والی موسلادھار بارش کے باعث کچھ حصے زیر آب آگئے اور املاک کو نقصان پہنچا۔ حکام کا کہنا ہے کہ متاثرہ علاقوں میں امدادی کارروائیاں جاری ہیں۔