باجوڑ: ماموند کے علاقے کمرسر میں بم دھماکے سے 2 افراد جاں بحق جبکہ 4 زخمی ہوگئے۔
ذرائع ابلاغ کے مطابق بم دھماکے کی اطلاع ملنے پر پولیس اور ریسکیو ٹیمیں جائے دھماکا پر پہنچیں اور امدادی سرگرمیوں کا آغاز کیا۔ ریسکیو اہلکاروں نے جاں بحق اور زخمی ہونے والے شہریوں کو قریبی اسپتال منتقل کردیا۔
پولیس کا کہنا ہے کہ بارودی مواد سڑک کنارے نصب تھا جو پھٹ گیا، جائے حادثہ سے شواہد اکٹھے کیے جا رہے ہیں جبکہ علاقے کو گھیرے میں لے لیا ہے۔