بغداد(انٹرنیشنل ڈیسک) عراق کے جنوبی علاقوں میں طوفانی بارش اورسیلاب سے 12 افراد ہلاک ہوگئے۔ خبررساں اداروں کے مطابق عراق کے جنوب مشرقی علاقوں میں تیز بارش اورسیلاب سے گلیاں اورگھر پانی میں ڈوب گئے۔ مقامی حکام کا کہنا ہے کہ سیلاب سے متاثرعلاقوں میں امدادی کارروائیاں جاری ہیں اور امدادی کارکنوں نے سیلاب میں گھرے افراد کومحفوظ مقامات پرمنتقل کردیا۔ ادھر محکمہ موسمیات کے ماہرین نے آیندہ چند روز میں مزید بارش کی پیش گوئی کی ہے۔