برلن (انٹرنیشنل ڈیسک) جرمنی میں کورونا پابندیوں کے خلاف پرتشدد احتجاج کے دوران 13پولیس اہل کار زخمی ہوگئے۔ ذرائع ابلاغ کے مطابق جنوبی شہر منہائم میں عائد کورونا پابندیوں کے باوجود لوگ مظاہروں کے لیے جمع ہو گئے۔ سیکورٹی فورسز نے مظاہرین کو منتشر کرنے کی کوشش کی تو مظاہرین نے مزاحمت کی ۔پولیس ترجمان نے بتایا کہ لاک ڈاؤن کے مخالف اور پرتشدد کارروائیاں کرنے والے 13مشتبہ افراد کو حراست میں لے لیا گیا ہے۔ پولیس نے ٹوئٹر پر اپیل کی تھی کہ وہ پر امن طریقے سے گھروں کو لوٹ جائیں،جس کے بعد کوئی پرتشدد واقعہ پیش نہیں آیا۔