لندن (انٹرنیشنل ڈیسک) برطانیہ میں 24 گھنٹوں میں ایک لاکھ 37 ہزار سے زائد نئے کوروناکیس سامنے آ گئے۔ 24 گھنٹوں میں اٹلی میں 61 ہزار اور فرانس میں 58 ہزار سے زائد نئے کورونا کیس رپورٹ ہوئے۔ ادھر کرونا وائرس کی قسم اومیکرون کے تیزی سے پھیلاؤ کے باعث ایک بار پھر دنیا بھر میں نظام زندگی متاثر ہو رہا ہے اور 4 ہزار سے زائد پروازیں منسوخ کر دی گئی ہیں۔ اومیکرون کے باعث امریکا، یورپ، برطانیہ اور کئی ممالک دوبارہ پابندیاں سخت کر رہے ہیں۔