فیصل آباد (آن لائن) مسلم لیگ ن کے صدرپنجاب رکن قومی اسمبلی راناثنا اللہ کہا ہے کہ مسلم لیگ ن عوامی طاقت ہے جوتوڑے گاخود ٹوٹ جائے گا، نوازشریف کی واپسی کااعلان سنتے ہی نااہل ٹولہ تھرتھرکانپ رہاہے اوراوٹ پٹانگ بیانات داغ جارہے ہیں جوکہ ثابت کرتاہے کہ سلیکٹڈ وزیراعظم کے بھی ہاتھ پاﺅں پھولے ہوئے ہیں۔ کارکنوں سے گفتگو کرتے ہوئے انہوںنے مزیدکہا کہ نوازشریف پاکستان کاہیروہے جس نے ہمیشہ ملک وقوم کی تقدیربدلنے کے لیے لازوال جدوجہدکی ہے جس کی پوری قوم گواہ ہے۔ عمران نیازی اوراس کاٹولہ یاد
رکھے کہ 2022ءنوازشریف کی واپسی اورعمران نیازی کی رخصتی کاسال ہے اوراس حقیقت کوکوئی جھٹلانہیں سکتا۔انہوںنے کہاکہ ملک وقوم پرچھائی نحوست جلد ختم ہونے والی ہے ،پوری قوم نوازشریف کابے چینی سے انتظارکررہی ہے ۔انہوںنے کہاکہ نااہل حکمرانوں کے خلاف طبل جنگ بج چکاہے ،عمران نیازی کولوٹ ماراورقوم کومسائل میں پھنسانے سمیت دیگرکاپوراپوراحساب دیناہوگا۔